अल्पायुमै अस्ताए प्रतिभावान् कलाकार तथा साहित्यकार अर्जुन खालिङ

काठमाडौं, मंसिर ३०-  प्रतिभावान् कलाकार तथा साहित्यकार अर्जुन खालिङ मृत फेला परेका छन् । बुधबार दिउँसो कोटेश्वरस्थित आफ्नै डेरामा उनी झुन्डिएको अवस्थामा मृत फेला परेको परिवारजनले जनाएको छ ।

सोलुखुम्बु जुभिङ स्थायी घर भएका खालिङ त्रिभुवन विश्वविद्यालयबाट ललितकला विधामा २०५८ सालको ‘गोल्ड मेडलिस्ट’ थिए । स्नातकोत्तर सकेर व्यावसायिक पेन्टिङमा लागेका उनी अहिले आदिवासी जनजातिको आवाजलाई क्यान्भासमा उतार्ने अभियानमा थिए । उनले किराती पुर्खा तयामा, खियामा र रैछाकुलेको स्केच (चित्र) बनाएका थिए । उनको ‘गोयाङको सुगन्ध’ र ‘सूर्य डढिरहेछ’ कवितासंग्रह प्रकाशित छन् । सीमान्तकृतहरूको पहिचानलाई पेन्टिङको विषय बनाएर उनले सैयौं चर्चित पेन्टिङहरु गरेका थिए । खालिङ केही समयअघिसम्म पेन्टिङ बिषयमा अध्यापन गराउँथे ।

जुभिङदेखी काठमाडौंसम्म

तीन दर्जन प्रदर्शनीमा सहभागी भइसकेका अर्जुनले ‘पेन्टिङ–संघर्ष’ कालमा सोलुखुम्बुको लुक्ला र मुस्ताङको जोमसोममा आर्ट ग्यालरी खोलेका थिए । त्यसपछि उनले काठमाडौंको बौद्धमा ग्यालरी चलाए। यसपछि उनले सीमान्तकृतहरूको पहिचानलाई पेन्टिङ बिषय बनाएर अभियान्ताको रुपमा सक्रिय थिए । ‘चिन्डो बुक्स’, ‘चिन्डो फेसन’ उनकै परिकल्पना हो ।  उनी राम्रा कलाकार र कवि मात्रै थिएनन्, सांस्कृतिक अभियान्ता समेत थिए ।  ‘चिन्डो बुक्स’, ‘चिन्डो फेसन’ यी अभियान अन्र्तगत उनले केही साथीहरु सहित सुरु गरेका थिए ।

उनी पछिल्लो समय संघीय समाजवादी फोरमको संघीय सांस्कृतिक महासंघका महासचिव थिए । मृत्युको कारणबारे विवरण आउन सकेको छैन । प्राध्यापनपछि उनी पछिल्लो समय चिन्डो प्रा.लि.का अध्यक्ष थिए । उनी फेसनमार्फत् किराती संस्कृतिलाई प्रर्बद्धनमा गर्न लागि परेका थिए ।

उनको मृत्युको कारण भने अझैं खुलेको छैन । स्रोतका अनुसार उनी झुन्डिएको अवस्थामा डेरामा भेटिएका थिए । उनको पोष्टपार्टमको लागि शिक्षण अस्पताल लगिएको छ ।

 http://www.nayapage.com/बाट

Posted by on Dec 14 2016. Filed under Breaking News, पत्रपत्रिकाबाट, समाचार. You can follow any responses to this entry through the RSS 2.0. You can leave a response or trackback to this entry
You are not authorized to see this part
Please, insert a valid App IDotherwise your plugin won't work.

Leave a Reply

ताजा खबर

© 2017 संघीय पोस्ट :: SanghiyaPost.अग्रमामी सञ्चार सहकारीद्वारा प्रकाशित. All Rights Reserved.

Social Media Auto Publish Powered By : XYZScripts.com